Innlent | mbl.is | 21.9.2007 | 08:11
Féll af bifhjóli eftir að lögregla veitti honum eftirför
Lögreglumenn mældu í nótt hraða bifhjóls á Reykjanesbraut skammt frá Vogavegi og sinnti ökumaður ekki stöðvunarmerkjum lögreglu. Hélt hann ferð sinni áfram eftir Reykjanesbraut áleiðis til Reykjavíkur og misstu lögreglumenn sjónar af honum. Lögreglunni á höfuðborgarsvæðinu var gert viðvart og komu lögreglumenn frá því umdæmi að ökumanni bifhjólsins þar sem hann hafði fallið af hjólinu á malarvegi í Hvassahrauni. Að sögn lögreglunnar slasðist maðurinn ekki og litlar skemmdir urðu á hjólinu.