Ökumaður bifhjóls var fluttur slasaður á Heilbrigðisstofnun Suðurlands eftir að hann ók aftan á bifreið sem stöðvaði snögglega við gangbraut rétt fyrir kl. 17 í dag. Að sögn lögreglunnar á Selfossi varð áreksturinn á Austurvegi skammt frá ráðhúsi bæjarins, en ökumaður bifreiðarinnar stöðvaði snögglega við gangbrautina til þess að hleypa gangandi vegfarendum yfir veginn. Nánari upplýsingar um meiðsl bifhjólamannsins liggja ekki fyrir. Engan sakaði í bifreiðinni.